Ciidamada Huwanta ah Oo ku dhow magaalooyinka Kismaayo iyo Baardheere
Dhaq dhaqaqyo meleteri oo xoog leh ayaa 3-dii maalmood ee ugu dambeysay laga dareemayay gobollada Gedo iyo Jubbooyinka kadib markii ay ciidamada qalabka sida soo buuxiyeen duleedka degmada Baardhere ee gobolka Gedo.
Taliyaha ciidamada dowladda ee gobolka Gedo Jamaal Xasan Sareey ayaa warbaahinta qaranka u sheegay in degmada Baardheere ay kaabiga ku hayan islamarkaana Todobaadyada soo socda gacanta ku dhigayaan isagoo tilmamay in ciidamo kale oo ka howlgelayaan dhinaca Qooqani ay ku dhawyihiin magaalo madaxda Jubbada hoose ee Kismaayo halkaas oo ay u jiraan dhowr Kilomitir.
Dhanka kale taliyaha ayaa muujiyay rajada uu ka qabo in ciidamadu ay dhawaan la wareegidoonaan degmada Baardheere kadib markii maalin kahor ay ciidamadu gacanta ku dhigeen fariisimo ay malleeshiyaadka Shabaab ku lahaayeen duleedka degmadaasi.
Howgalkan ay ciidamada XDS ka wadaan deegaanno ka tirsan gobollada Gedo, Jubbooyinka, Baay iyo Bakool ayaa u muuqda mid u socda si ka duwan sidii hore iyadoo ay ciidamadu muujinayan dardar culus oo wadata farsamooyin ciidan oo casri ah.
-
Designed by