Shirkada Isgaarsiinta Hormuud oo deeq Afurin ah gaarsiisay Maxaabiista Xabsiga Dhexe Ee Moqdisho (Sawirro)
Shirkada Isgaarsiinta Hormuud Telecom ayaa maanta gaarsiisay Maxaabiista ku jirta Xabsiga Dhexe ee Xamar deeq raashin ah oo loogu tala galay inay ku afuraan, iyadoo deeqdan ay aheyd tii u horeysay.
Munaasabada deeq wareejinta oo ka dhacday Xabsiga dhexe ee Xamat ayaa waxaa ka qeyb galay Wasiirka Garsoorka Diinta, iyo Awqaafta Ugaas Axmed Bile, Taliyaha Ciidamada Asluubto Jen. Cabdi Maxamed Ismaaciil iyo Saraakiisha Shirkada Isgaarsiinta Hormuud
Deeqdan Afurinta ah ayaa waxay ka koobneyd 140-kiish oo bariis, 20- kartoon Saliid, 30-kartoon oo Foster cabitaan ah, 55 xabo oo timir ah waxaana loogu tala galay in bisha barakeysan ee Ramadaan lagu afuriyo maxaabiista faraha badan ee ku jira xabsiga dhexe
Wasiirka Garsoorka, Diinta iyo Awqaafta Axmed Xasan Gaboobe (Ugaas Bile) ayaa sheegay in deeqday ay muhiim tahay, isagoo ka mahadceliyay xilliga ay ku soo aadisay shirkada deeqda afuriska iyadoo lagu guda jiro bisha barakeysan ee Ramadaan
Taliyaha Ciidamada Asluubta Jen. Cabdi Maxamed Ismaaciil ayaa isna dhankiisa ka mahad celiyay, isagoo tibaaxay in maxaabiista ay ku farxi doonaan deeqdan, isla markaana ay ku afurayaan.
Dhinaca kale Cali Fadhaa oo ka mid ah mas’uuliyiinta shirkada Isgaarsiinta Hormuud ayaa sheegay in deeqdan qeyb ka tahay gar gaarka ay shirkada gaarsiiso shacabka Soomaaliyed.
Ma ahan markii ugu horeysay ee shirkadda Hormuud deeq ay gaarsiiso shacabka soomaaliyeed ee ku nool dalka iyadoo shirkadda looga bartay mar walba garab istaaga bulshada xilliyada ay jiraan dhibaatooyinka.
Xafiiska Shabakada Afbakayle.com
Moqdisho/Somalia
Afbakaylenews@gmail.com
-
Designed by