Madaxweyne Shariif oo maanta gaaray Degmada Afgooye kulamana la qaatay dadka deegaanka

Madaxweyne Shariif ayaa markii uu gaaray Afgooye waxaa halkaasi kusoo dhaweeyay maamulka dowladda ee Gobalka Shabeelaha Hoose.

Shariif Sheekh Axmed ayaa waxaa la sheegay markii uu gaaray Afgooye inuu kulan la qaatay odayaasha dhaqanka ee Gobalkaasi islamarkaana odayaasha Madaxweynaha ay ugudbiyeen cabasho ay ka qabaan ciidamada dowladda.

Odayaasha reer Afgooye ayaa waxaa ay Madaxweynaha dowladda u sheegeen in ciidamada dowladda ay dhibaatooyin kala duwan ugeestaan Shacabka reer Afgooye islamarkaana xitaa haweenka qaarkood ay kufsadeen.

Madaxweynaha ayaa markii uu kulanka la qaatay kadib odayaasha reer Afgooye wuxuu hadana la kulmay saraakiisha ciidamada dowladda Soomaaliya ee Gobalkaasi Shabeelaha Hoose,isaga oo kala hadlaya cabashada ay qabaan shacabka ee ku aadan in ciidamada dowladda ay dhibaato ugeestaan dadka shacabka ah.

Ammanka wadada xiriirisa Muqdisho iyo Afgooye ayaa la adkeeyay waxaana halkaasi lagu daadiyay ciidamo badan oo suga ammaanka.