Warculus:-Madaxweyne Xasan Sheekh Maxamuud oo si aan la’arag ugu daadiyay C/weli Gaas.
Madaxweynaha Jamhuuriyadda Federalka Soomaaliya Xasan Sheekh Maxamuud ayaa xalay si aan caadi ahayn waxa uu ugu daadiyay C/weli Maxamed Cali Gaas, xilli ay socotay doorashada madaxweynaha Soomaaliya.
C/weli Gaas ayaa ugu horeen si hoose waxa uu ugu sheegay in codadka xildhibaaada oo dhan ay siin doonaan Xasan Sheekh Maxamuud balse laga sugaayo oo kaliya uu u balan qaado in uu ka dhigi doono ra’iisul wasaaraha Soomaaliya.
Laakiin Xasan Sheekh Maxamuud ayaa u sheegay C/weli Gaas in warka uu sheegaayo aanay socon doonin islamarkaana guusha ay xag rabi ka qorantahay ra’iisul wasaarana uu ka dhigi doono cidii ay arintaasi kula muuqato.
C/weli Gaas oo weji gabax ka muuqday ayaa waxa uu isaga laabtay booskiisa waxaana si aan baryo ahayn xildhibaanadii isaga u codeeyay ay codka u siiyeen Madaxweyne Xasan Sheekh Maxamuud.
Doorashadii xalay waxaa si aan la arag misane la maqal ugu fadeexoobay musharaxiin aad u badan iyadoona Xasan Sheekh Maxamuud qaab lama filaan ah misane dar dar ah uu doorashada kusoo galay.
Xafiiska Shabakada Afbakayle.com
Moqdisho/Somalia
Afbakaylenews@gmail.com
-
Designed by