(Daawo Sawiro) Jaamacada Laascaanood Oo Qaadatay Arday Cusub
Jaamacada Nugaal Universty oo ku taala Magaalada Laascaanood ee xarunta gobolka Sool, ayaa kulan u qabatay ardaydii ugu badnayd oo iska qorta Jaamacada Nugaal, kuwaas oo ah sanad Jaamacadeedka 2012/2013 ka bilaabaya kuliyadaha kala duwan ee Nugaal Universty.
Maamulaha Jaamacada Nugaal Prof: Cabdirisaaq Lafoole oo ka hadlay munaasibada balaadhan oo ardaydani lagu soo dhowenayey ayaa hadalo kasoo jeediyey, isagoona kula dardaarmay ardayda xiligan isu diiwaan gelisay inay wax ka bartaan Jaamacada Nugaal in aysan noqon kuwa iska lumiya wakhtiga oo kaliya balse ay noqdaan kuwa ka faa’iidaysta jaanisyada soo mara waxbarashada ay si wacan u sii xoojiyaan.
Sidoo kale Prof Lafoole ayaa waxa uu sheegay in ardayda is diiwaan galisey laga qaadi doono Imtaxaan ay ugu gudbaan Jaamacada iyadoo cidii ku baasta ay fadhiisan doonto Kuliyadaha kala duwan ee Jaamacada halka kuwa ku hadhaana ay dib u dhis kusoo samayn doonaan waxbarashadooda.
Halkan Ka Daawo Sawiro
Jaamacada Nugaal oo ku taala Magaalada Laascaanood ayaa la furay sanadii 2004 iyadoo mudadii ay furnayd ay ka baxeen ilaa 4 dufcadood oo kala duwan, waxaana Jaamacadu mudooyinkii u dambaysay ay waday barnaamijyo la xidhiidha kor u qaadis dhanka tayada waxbarashada.
-
Designed by