Wariyayaal- bilaabay inay basaasiin u noqdaan maamulka Hargaisa ee ku sugan gobolka Sool ((warbixin))
Iyadoo dilkii arxan daradda ahaa ee loo geystay allaha ha u naxariistee Axmed saakin faarax ay todobaadyo ka soo wareegtay islamarkaana ay cabsi xoogan soo wajahday wariyayaasha tirada yar ee ku sugan magaalada laascaanood ayaa xiligan waxaa soo baxaya inay jiraan wariyayaal basaasiin ah una shaqeeyaan Saraakiisha Maamulka Somaliland ee gumaysiga ku haya bulshada sool.
Arintan basaasnimada ah ayaa waxay soo baxday kadib markii amar uu soo saaray Ninka ku magacaaban gudoomiyaha gobolka sool in la xidho wariye Cabdiqani Shuux oo kamid ah wariyayaasha ka hawlgala magaalada laascaanood ee xarunta gobolka sool
Baaritaan aan ku samaynay sababta uu gudoomiyaha gobolka sool uu amray in la xidho wariye cabdiqani shuux ayaa ahayd kadib markii wariye kamid ah wariyayaasha uu la hadlay Ninka isku sheega Gudoomiyaha gobolka sool una sheegay in wariye cabdiqani shuux uu qas ka wado goob ay ka socotay koox la sheegay inay u olalaynayeen xisbiga  odaysiilaanyo ee kulmiye.
Falkan noocan ah oo horey aan uga jirin magaalada laascaanood ayaa waxay noqonaysaa arin taxadar keeda leh laguna sii shaqayn karin maadama ay soo baxeen wariyayaal la shaqaysta maamulka somaliland basaasaasnimo & Cadaaqatana ku caanbaxay.
Waxaanu hadii arinkan uu sii socdo dhawaan soo gudbin doonaa magacyada Ragaas Basaasiinta ah, Kuna Caanbaxay Cadaqaatanida sharciga saxaafadana baal Maray.
Xafiiska Shabakada Afbakayle.com
Laascaanood/Sool
Afbakaylenews@gmail.com
-
Designed by