Wufuudii Khaatumo ee Muqdisho ku sugnaa oo maanta lagu wado inay u ambabaxaan Taleex.
Wufuudii ku sugnaa magaalada Muqdisho ee xarunta dalka Soomaaliya, isuguna jirey Hogaamiye dhaqameedka, madaxda iyo golaha kale ee wasiirada ayaa saacadaha soo socda lagu wadaa inay u ambabaxaan magaalada Taleex ee xarunta maamulka Khatumo State, warar laga helayo Muqdisho ayaa sheegaya in wufuudani diyaar garoowgii ugu danbeeyey ugu jiraan sidii ay uga tegi lahaayeen Xamar saacadaha soo socda.
Waxayna xubno ka tirsani sheegeen inay u dhowdahay inay maanta ka tagaan Muqdisho, isla markaana hadii Eebe idmo ay gaadhi doonaan Taleex, walow uu dib u dhici karo safarkooda maantu. Magaalada Taleex ayaa waxaa ka yagyeelan dhabo diyaaradeed oo caalami ah, kaasoo la sheegay in inta badan dayuuraduhu soo cagodhigan karaan marka ay doonaan, xataa wakhtiga roobabku da’ayaan.
Xafiiska shabakada afbakayle.com
Moqdisho/Somalia
Afbakaylenews@gmail.com
-
Designed by