Wararkii ugu danbeeyay ee qasaaraha iyo dhimashada qaraxii caawa ka dhacay Xaafada Islii
Inta la ogyahay afar ruux ayaa geeriyootay ku dhawaad 10 kalana dhaawacyo ayaa kasoo gaaray qarax xoogan oo caawa ka dhacay xaafada Isii ee magaalada Nairobi.
Dadka dhaawaca uu soo gaaray ayaa waxaa kamid ah xildhibaanka deegaanka laga soo doorto deeganka Kaamakunji Yuusuf Xasan Cabdi.
Qaraxan ayaa ka dhacay masjidka Alhidaa hortiisa sida uu noosheegay mid kamid ah dadkii goobtaasi joogay halka qaraxa uu ka dhacay.
Qaraxan ayaa dhacay kadib markii laga soo baxay salaadii cishe ee caawa, waxaana xiligii qaraxa uu dhacayay la sheegay in uu su’aalo uga jawaabayay dad shacab ah.
Ciidamada amaanka Kenya ayaa guud ahaan la wareegay halka qaraxan uu ka dhacay iyagoo ka wada howlgallo balaaran oo lagu baadi goobayo kooxihii qaraxaas ka danbeeyay
Qaraxan ayaa imaanaya xili habeenkii arbacada qarax xoogan uu ka dhacay section Three isla xaafada Islii ee magaalada Nairobi.
-
Designed by