Jose Mourinho: Haatan Lama Joogo Waqtigii Aan Ka Hadli Lahaa Mustaqbalkeyga Real Madrid
Jose Mourinho ayaa shaaca ka qaaday inaan haatan la joogin waqtigii laga hadli lahaa mustaqbalkiisa Real Madrid.
49 jirkaan ayaa wajahaya cadaadis sii kordhaya oo kaga imaanaya madaxda Los Blancos, waxaana jira warar soo jeedinaya in laga yaabo inuu shaqada PSG ka bedelo Carlo Ancelotti dhamaadka xilli ciyaareedkan.
Waxa uu ka degay maanta Dubia ka hor kulan kubada cagta looga hadlayo oo halkaas ka dhacaya oo ay ka qeybgalayaan madaxweynaha UEFA Michel Platini iyo Deigo Maradona.
Isagoo jooga garoonka diyaaradaha Mourinho oo uu wehliyay wiilkiisa, ayaa u sheegay suxufiyiinta: “Haatan lama joogo waqtigii aan ka hadli lahaa mustaqbalkeyga.”
Madrid ayaa tababarka dib u bilaabeysa axada, iyagoo doonaya inay soo yareeyaan farqiga 16ka dhibcood ee ay u jiraan kooxda hogaanka heysa ee Barcelona
-
Designed by